Buka Bareng - The Series of Talkiban [4]

Meneer Pangky

22 Jun, 2015 0 0

Talkiban bli ngerti lan keder bli kejagan karo batur-batur pesbuke sing gawe status bahwa waktune wis buka puasa. Otake muter kaya bintang tujuh, ya tujuh keliling, los bae pikiren, apa ana wong pesbukan sedina bleg, mandengi layar hape atawa komputer. Sewaktu buka pesbuk, terus nyadar untung bae ana sing ngelingna wis wayae buka.

Sing dadi masalah ya durung tinamtu batur pesbuke mau batur sekota sedesa. Talkiban sing genae ning Dermayu, gawe status mengkonon batur tanggane sing ning luar negri kaceke jam-jaman, sing taiwan sejam, sing ning korea 2 jam, apamaning sing ning araban 4 jam kaceke. Reang ning kene wis buka, ning kana nembe sembahyang bedug atawa ashar. Dadine bli peta ora?

Baguse wis kentong maghrib, gage batalna puasa, terus sembahyang maghrib, aja gawe status. Apamaning sing sampe tek aplodi gambar panganan bukane. Senajana ning agama ngongkon reang-reangan seneng bagi-bagi, tapi sing tek bagi panganan kanggo wong puasa. Jarene olih ganjaran setanding karo wong puasa mau. Ampuuuuuuuuuuuun ... yen cuma potone bae sing dibagi, ya ora oli ganjaran.

Ana maning sejene, nulis status buka puasa bareng. Tenimbang gawe status ning medsos, masih mending gah kanda karo batur buka puasane, atawa karo keluarga. Iya bli?

Kih ... contoe reang, Talkiban. Misal lagi buka bareng jarang lah gawe status, ngupai weruh batur pesbuk. Ya enakan kanda lan Warnyem. Seumpama wis kentong maghribe, ya langsung ngomong ning Warnyem.

“Wis buka kih, nyem. Ayugah!!”

Kaget reang Warnyem jawabe mengkenen pisan.

“Ya wis gage buka bae, mumpung anakan lagi ning umah mertua”

Ya wis kaberan, dadine reang lan Warnyem buka bareng.

***

Via guyon

Facebook

Twitter

Telegram

WhatsApp

Postingan Lama

Postingan Lebih Baru

Meneer Pangky Mlarat ora gegulat, sugih tan ana rerawat.

Anda mungkin menyukai postingan ini